Deputeti i Partisë Demokratike, Dashnor Sula ka reaguar në lidhje me publikimin e të dhënave të SHISH, ku u bënë publike emrat e punonjësve të këtij institucioni.
Ai thekson se publikimi i emrave të SHISH tejkaloi çdo vijë të kuqe. Më tej ai, shkruan se rrezikohet konflikt i madh social, duke bërë që të shkërmoqet e gjithë struktura e shërbimit.
“Publikimi i emrave të SHISH tejkaloi çdo vijë të kuqe. Kryeministri në mënyrë të përsëritur ka propaganduar se hakerat dashakeqës iranianë nuk kanë mundur të depërtojnë në informacionet sekrete të shtetit.
Pas këtyre deklaratave, hakerat publikuan në rrjete sociale informacione nga sistemi TIMS dhe MMX. Informacione konfidenciale policore” shkruan ai.
