Kryetari i Partisë së Lirisë, Ilir Meta ka reaguar ndaj deklaratës së Kishës Katolike për shpopullimin e vendit.
Meta është shprehur se duhet të reflektojmë për tragjedinë e pashembullt të shpopullimit të qëllimshëm përmes një axhende antikombëtare që po rrezikon seriozisht ekzistencën tonë.
“Askush nuk mund t’i delegojë të ardhmen e vet një sistemi politik as iluzionit të një jete më të mirë diku tjetër”.
Mirënjohje Kishës Katolike dhe të gjithë klerit shqiptar për vizionin patriotik dhe kombëtar.
Duhet të bëjmë gjithçka, ashtu siç na porosit edhe Papa Françesku, që shqiponjat të qëndrojnë dhe të kthehen në folenë e tyre dhe Shqipëria të ngrihet lart, atje ku e meritojnë ëndrrat dhe sakrificat e shqiptarëve
Të bashkohemi kundër shpopullimit,” është shprehur Meta.
