Marjan Koliqi, 48-vjeçari nga Shkodra ka rënë në prangat e policisë pasi dyshohet se drejtonte një grup kriminal që shpërndanin drogëra të forta në qytet.
Në grupin e Koliqit ishin dhe Arben Cafi, Urim Hysa si dhe një i mitur me iniciale L.K..
Në kuadër të operacionit “Vespa”, policia ka bërë me dije se gjatë kontrollit fizik këtyre shtetasve iu gjetën dhe iu sekuestruan lëndë narkotike kokainë dhe kanabis.
Gjithashtu, Koliqi, i cili nga hetimet rezultoi se kishte rolin e organizatorit të këtij grupi kriminal, iu gjet dhe iu sekuestrua edhe një armë zjarri pistoletë, municion luftarak dhe 2 elektroshokë.
