Xhelal Rraja, vëllai i deputetit Rrahman Rraja ka akuzuar policinë se djalin, Ramazanin e shoqëruan pa të drejtë mesditën e sotme.
“Makinën e kam me autorizim, që të eci me makinë të blinduar. Është çdo gjë në rregull. Sipas rregullave” tha ai.
“Ajo ngjarje është vazhdim i kësaj që po them shpifje. Është sqaruar ka dhënë dëshmi janë verifikuar gjërat dhe nuk është asgjë e vërtetë.
Nëse djalit tim do to faktohet gjëja më e vogël ai të përgjigjet. Nuk është në kërkim policor. Ka dy orë që rri këtu dhe nuk më ka sqaruar njeri se pse është shoqëruar.
Është e vërtetë që lëviz me makinë të blinduar pse duhet të ndalohet për lëvizje më makinë të blinduar.
Makinën e kam unë me letra” tha më tej Xhelal Rraja. Ramazan Raja u shoqërua në Qafën e Kasharit.
