Faqja më e madhe e blerjeve në Zelandën e Re, “Trade me” ka kërkuar falje pas promovimit si një dhuratë perfekte për Krishtlindje librin e Adolf Hitlerit,“Mein Kampf”.
Zëdhënësja e ”Trade Me”, Sally Feinson, theksoi se reklama u shkaktua nga një gabim algoritmik.
Ajo gjithashtu u shpreh se asnjë person nga stafi nuk e kishte zgjedhur personalisht librin për ta reklamuar.
Libri u shfaq në një reklamë në Instagram, duke promovuar disa opsione dhuratash të disponueshme si një dhuratë për Krishtlindje duke përfshirë edhe librin autobiografik të vitit 1925 të shkruar nga Adolf Hitler.
Libri trajton pikëpamjet politike dhe planet e Hitlerit për të ardhmen e Gjermanisë dhe mbron shfarosjen e popullsisë hebre.
