Futbollisti 27-vjeçar zviceran, Karim Gazzetta, i ka dhënë fund jetës mëngjesin e sotëm duke u hedhur nga kati i 8-të i një pallati në Mostar në Bosnjë Hercegovinë.
Forcat e policisë mbërritën menjëherë në vendngjarje dhe kryen hetimet në lidhje me vetëvrasjen e 27-vjeçarit.
Lojtari që prej korrikut kishte mbërritur në Bosnjë për të luajtur për skuadrën e Zrinskit.
Këtë sezon ai luajti vetëm një ndeshje për Zrinski në Premier League e Bosnjës pasi ai pësoi një dëmtim që e mbajti jashtë loje për gjysmën e sezonit.
Në tetor ai pati paraqitjen e tij të parë pas lëndimit.
Gazzetta konsiderohej si një nga talentet më të mëdhenj në futbollin zviceran, pasi kishte luajtur për të gjitha ekipet kombëtare të të rinjve në Zvicër.
