Nafta dhe benzina kanë pësuar serish një ulje të çmimit që nga 16 nëntori. Nafta e cila shitet me 221 është ulur në 214 lekë.
Po ashtu, edhe benzina dhe gazi janë ulur, benzina do të tregtohet 9 lekë më pak ndërsa gazi vetëm 2 lekë më pak.
“Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 214 lekë/litri, ndërsa i shitjes me shumicë jo më shumë se 202 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 195 lekë/litri, ndërsa i shitjes me shumicë jo më shumë se 183 lekë/litër.
Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.
Çmimi i gazoilit për peshkim është vendosur 120 lekë/litër,” ka njoftuar Bordi.
