Ka kaluar një vit nga ngjarja e trishtë, ku 33 persona janë mbytur në kanalin e La Manshit pasi gomonia e tyre e nisur nga Franca drejt Anglisë nuk ia doli dot t’i dërgonte deri në bregun tjetër.
Vetëm dy nga pasagjerët i mbijetuan katastrofës.
BBC ka bërë me dije se emigrantëve u është kërkuar nga autoritet franceze të telefonin urgjencën britanike për ndihmë, por ata ende ishin në ujërat territoriale të Francës. Mësohet se francezët nuk dërguan ndihmë për emigrantët edhe pse autoritet britanike ua kërkuan të ishin të kujdesshëm me ta.
Sipas dokumenteve, operatorët francezë njoftuan rojen bregdetare të Mbretërisë së Bashkuar në Dover. Njëzet minuta më vonë, pasi morën një vendndodhje të përditësuar nga anija, ata i dërguan Dover koordinatat, duke thënë se tani ishte në ujërat britanike.
Menjëherë më pas, Britania e Madhe dërgoi një mesazh duke thënë se tonet e numrit të telefonave celularë në varkë dukej se e gjenin atë në Francë.
