Porti i Durrësit do transformohet. Me bindje të plotë, Edi Rama iu drejtua sot opozitës në Kuvend që do apo nuk do, PD-ja, projekti i portit do të miratohet.
“U pranuan vetëm 5 nga 33 kërkesat e investitorit. Për herë të parë është garantuar imuniteti i një prone publike nga cenimi i cdo gjykate vendase apo të huaje dhe në rast mos zbatimi nga investitori shkohet në marrjen e gjithçkaje me zero pagesë nga shteti. Hapni sytë. Por nuk ju lë mallkimi që keni mision”.
Pasi siguroi se prona nuk do të mund të cenohet në rast të dështimit të investimit, Edi Rama më pas zgjodhi rreshtat e Faik Konicës për të sulmuar opozitën.
“A do qumësht apo dhallë? Gomarica vjen vërdallë. Roft’ e qoftë Zullulandi! Jeni mësuar të vini vërdallë, si gomaricat. A do qumësht a do dhallë, gomaricat vijnë vërdallë.
I tërë soji i gomaricave të këtij katundi politik, nuk ka shans t’ja vrasë Durrësit projektin. Ky projekt jo vetëm e ka marrë vulën e pëlqimit të komunitetit durrsak me votën e tyre” tha ai.
