Hailey Bieber ka mohuar thashethemet që kanë qarkulluar së fundmi se ajo është shtatzënë.
Bashkëshortja e Justin Bieber ka zbuluar përmes llogarisë personale në Instagram se barku i saj i fryrë nuk është pasojë e shtatzënisë, por e një problemi shëndetësor me të cilin ajo po përballet.
Siç ka bërë të ditur, modelja ka një kist në vezore, i cili është në madhësinë një mollë.
Me një story të publikuar në Instagram ajo ka zbuluar problemin e saj dhe ka publikuar një foto ku shfaqet me barkun e fryrë.
“Kam një kist në vezore sa një mollë. Nuk kam as endometriozë, as vezore policistike, por më parë kam pasur kist dhe nuk ka qenë aspak e këndshme”, ka shkruar ajo në postimin e saj.
Madje, ajo ka përmendur se ky kist e shqetëson shumë, pasi i shkakton të përziera dhe fryrje.
Gjatë shkrimit shtoi se ajo ndihet shpesh e pambrojtur emocionalisht.
