Gjatë prezantimit të raportit të Shqipërisë në Komitetin e Stabilizim Asociimit, deputetja e PD-së Jorida Tabaku përshëndeti angazhimin e Bashkimit Europian për zgjerim në Ballkanin Perëndimor duke shprehur pëlqyeshmërinë e PD në lidhje me samitin e 6 dhjetorit.
Më tej ajo shtroi dy pyetje drejtuar reporteres Santos që lidhen ngushtësisht me shqetësimin e Pasaportave të Arta dhe ajo e Amnistisë Fiskale dhe Penale.
Po ashtu ajo ka shtuar rëndësinë e integrimit të Kosovës në BE.
Tabaku nënvizoi rëndësinë strategjike të votës së 30 nëntorit që minsitrat e BE-së vendosën për liberalizimin e vizave për Kosovën. Një vendim, që sipas znj Tabaku, është i vonuar dhe plotësisht i merituar pasi Kosova i kishte përmbushur kriteret dhe kish mbetur si një ishull në Ballkanin Perëndimor.
Nga ana tjetër deputeti Gazment Bardhi ka ngritur shqetësimin për lirinë e mediave dhe sigurinë e gazetarit.
Ai është shprehur se kërkon ta dënojë këtë sulm ndaj medias he i ka kërkuar qeverisë të bëjë transparencë në lidhje me rastin dhe të dalë me dokument zyrtare.
