Arrestohet efektivi Arion Bardhi, specialist pranë Policisë Rrugore dhe në gjendje të lirë u procedua efektivja Mirela Hoxha.
I arrestuar është edhe sekseri i dy policëve, Erion Brako, i cili kryente punën e marrjes së parave nga qytetarët me qëllim fshirjen e gjobave nga sistemi. Ata akuzohen për shpërdorim detyre dhe falsifikim kompjuterik.
Në hetimet e AMP dhe Prokurorisë së Tiranës për disa jave, rezultoi se dy kolegët kundrejt ryshfetit nga qytetarë të ndryshëm falsifikonin dhe ndryshonin gjobat brenda sistemit të policisë.
