Nuk ka asnjë dyshim. Gjykata e Vlorës ka caktuar masën e sigurisë “arrest me burg” për 27-vjeçarin Rildi Kocja, i cili plagosi me thikë vjehrrin dhe kunatin e tij, Xhevdet dhe Albion Brahushi.
Ngjarja ndodhi më 4 dhjetor, rreth orës 21:30 në lagjen “1 Maji”. Rildi Kocja i qëlloi me thikë, pas vjehrrit edhe 8 herë kunatin dhe u arratis, por për pak minuta, pasi u arrestua.
Xhevdet Brahushi 62 vjeç dhe i biri Albion Braushi 30 vjeç, janë gjetur të plagosur në trotuar nga banorët e lagjes, të cilët i kanë dërguar në spitalin Rajonal të Vlorës.
30-vjeçari kishte marrë 8 goditje me thikë, e për shkak të gjendjes së tij shëndetësore të përkeqësuar është dërguar drejt Spitalit të Traumës në Tiranë për mjekim më të specializuar.
