Për herë të parë pas më shumë se një viti inflacioni në Shqipëri pësoi një ulje të lehtë.
Në raportin e muajit Nëntor që publikoi INSTAT, vihet re një ulje e çmimeve me -0,3% krahasuar me muajin Tetor.
“Indeksi i Çmimeve të Konsumit në muajin Nëntor 2022, arriti 110,9 kundrejt muajit Dhjetor 2020.
Ndryshimi vjetor i indeksit të çmimeve të konsumit në muajin Nëntor 2022 është 7,9 %, një vit më parë ky ndryshim ishte 3,1 %.
Ndryshimi mujor i indeksit të çmimeve të konsumit në muajin Nëntor 2022, krahasuar me Tetor 2022 është -0,3 %” thuhet në raportin e INSTAT-it.
Por kush ishin faktorët që sollën këtë ulje të lehtë të çmimeve pas shumë muajsh? Dy faktorët kryesorë janë ulja e lehtë e çmimit të karburanteve dhe zhvleftësimi i Euros.
Por çmimet vazhdojnë që të jenë të larta te ushqimet e shportës, 14.7% më shtrenjtë se vitin e kaluar në këtë periudhë.
