Presidenti i Bjellorusisë Alexander Lukashenko ka emëruar Sergei Aleinik si ministër të ri të Jashtëm. Njoftimi është bërë i ditur nga agjencia shtetërore e lajmeve Belta.
Para këtij emërimi, Aleinik ka punuar si zëvendësministër i parë në këtë ministri.
Ministri i mëparshëm i jashtëm i Bjellorusisë, Vladimir Makei, vdiq papritur në nëntor në moshën 64-vjeçare.
Lukashenko emëroi gjithashtu Andrei Lukyanovich si komandant të Forcave Ajrore dhe Forcave të Mbrojtjes Ajrore të Forcave të Armatosura të Republikës së Bjellorusisë.
Bjellorusia më herët të martën njoftoi stërvitje të menjëhershme ushtarake në të gjithë vendin.
