Pas grupit parlamentar të Partisë Demokratike, tashmë është Shoqata e Ndërtuesve që ka dërguar në Gjykatën Kushtetuese vendimin e qeverisë për prishjet apo konfiskimet e ndërtimeve pa leje.
Por kryeministri Edi Rama, jo vetëm që i ka injoruar, por në një postim në rrjetet sociale i ka bërë presion Gjykatës Kushtetuese që të mos e marrin në konsideratë dhe ta rrëzojnë kërkesën.
“Shoqata e Ndërtuesve qenka ankuar në Gjykatën Kushtetuese pse po goditen rëndë pallatet me shkelje të lejeve të ndërtimit! Le të shkojnë edhe në Hagë ose në hënë po të duan, po pallatet me shkelje do prishen ose do konfiskohen për interes publik prandaj uroj që GJK të mos lajthisë” shkruan ai.
Shoqata e Ndërtuesve qenka ankuar në Gjykatën Kushtetuese pse po goditen rëndë pallatet me shkelje të lejeve të ndërtimit!Le të shkojnë edhe në Hagë ose në hënë po të duan,po pallatet me shkelje do prishen ose do konfiskohen për interes publik prandaj uroj që GJK të mos lajthisë!
— Edi Rama (@ediramaal) December 15, 2022
