Ndërkohë që deputeti i PD-së Luciano Boçi, po mbante fjalën e tij në kuvend, shihet që kreu i grupit parlamentar të PS-së Taulant Balla, kalon nga ana e opozitës dhe diskuton me deputeten e PD-së Jorida Tabakun.
Siç shihet në foto të dy deputetët po buzëqeshin dhe hamendësohet se ka qenë një bisedë miqësore.
Kujtojmë që seanca e sotme parlamentare është shoqëruar me debate të ashpra pasi opozita akuzoi qeverinë se po lobon për të të “peshkuar” vota brenda PD-së që të plotësojë 84 votat për zgjedhjen e Ardian Dvoranit. Deputeti Gazment Bardhi akuzoi se jo vetëm shumica, por edhe biznesmenë kanë lobuar për zgjedhjen e Dvoranit.
“Samir Mane dhe Salillari po kërkojnë vota për Dovranin në Kushtetuese. Nuk të pëlqen kjo? Ja ku e ke shembullin” tha ai. Në këtë pikë, Edi Rama shpërtheu në akuza të forta kundër Bardhit duke e quajtur palaço, zagar dhe pis.
“Ik ore pis! Lolo, palaço, zagar. Turp të kesh” i tha kryeministri Bardhit, që i shkoi pranë karriges.
