Derbi mes Tiranës dhe Partizanit përfundon në mediat botërore. Gazeta më e madhe sportive spanjolle, “Marca” e ka renditur mes lajmeve kryesore atë që ndodhi në Tiranë.
Jo rezultatin dhe nivelin e lojës, por propozimin për martesë dhe emocionet. Para se te startonte ndeshja një tifoz ka surprizuar dashurinë e jetës së tij.
Tifozi u fut në fushë dhe bëri sikur u dëmtua, me stafin mjekësor të Tiranës që shkoi për ndihmë. Gjithçka dukej e programuar, ndërsa e dashura e tij u lejua të futej në fushë për t’i qëndruar pranë.
View this post on Instagram
Në këtë moment tifozi ngrihet dhe i propozon të dashurës për martesë. Ultrasit patën ovacione të shumta, ndërsa pas trishtimit dhe panikut vajza duket e lumtur dhe thotë “PO”.
Gjithë këtë skenë “Marca” e cilëson si “propozimin më të çmendur për martesë, që është parë në një fushë futbolli”.
