Presidenti ukrainas Volodymyr Zelensky i ka kërkuar popullit të tij që të qëndrojë i bashkuar përballë sulmeve ruse, ndërsa vendi feston Krishtlindjet.
Në një fjalim, ai tha: “Liria ka një çmim të lartë. Por skllavëria ka një çmim edhe më të lartë.”
Sulmet me raketa dhe dron të Rusisë kanë lënë miliona ukrainas pa energji, ngrohje dhe ujë të rrjedhshëm.
Më herët sulmet ajrore ruse vranë 10 persona në qytetin jugor Kherson të Ukrainës, thanë zyrtarët.
Autoritetet rajonale thanë se 68 persona të tjerë u plagosën dhe u bënë thirrje banorëve vendas që të dhurojnë urgjentisht gjak.
Duke e përshkruar Rusinë si një “vend terrorist”, Zelensky akuzoi trupat ruse për “vrasje për hir të frikës dhe kënaqësisë”.
