Mbrëmjen e sotme ka ndodhur një aksident tragjik në rrugën e Arbrit ku si pasojë kanë mbetur 3 viktima dhe 4 të plagosur.
Sipas informacioneve zyrtare nga policia në mjetin tip Mercedes Benz 240 që ku udhëtonin Kujtim dhe Murat Istrefi me dy bashkëshortet Lulzime dhe Firuze Istrefi, ka dalë nga një rrugë dytësore duke dalë nga fshati Gjoricë ku kishin qenë për vizitë me rastin e ndërrimit të viteve.
VIDEO-Pjesë e një familje, identifikohet viktima e tretë e aksidentit te rruga e Arbrit/ Emrat
Në momentin që kanë dalë në rrugën nacionale i kanë prerë rrugën mjetit tip “Mercedez Benz” me targa angleze.
Si pasojë e shpejtësisë, përplasja ka qenë shumë e fuqishme dhe mjeti ku udhëtonin viktimat është ndarë në 2 pjesë.
Përplasja ndërmjet makinave ka qenë aq e fortë saqë mjeti është ndarë më dysh. Rruga ku ka ndodhur aksidenti është problematike pasi nuk ka asnjë kufizim të shpejtësisë, ka mungesë sinjalistike si dhe mungesë ndriçimi.
