Sot ndërroi jetë ish-sulmuesi i njohur i Juventusit dhe Kombëtares italiane Gianluca Vialli në moshën 58-vjeçare, pasi prej 5 vitesh luftonte kundër kancerit në pankreas. Pak muaj më parë, ai kishte dhënë një intervistë emocionuese.
“Tani kam dy objektiva, të mos vdes para prindërve të mi dhe të arrij të çoj në altar vajzat e mia”, deklaronte Vialli, duke mos arritur dot asnjë prej tyre.
“Nuk e di kur do shuhet drita ime, se çfarë ka në anën tjetër. Por në një kuptim, jam edhe i eksituar për ta zbuluar se çfarë ka në anën tjetër.
Duhet të kuptojmë se koncepti i vdekjes duhet për të kuptuar dhe vlerësuar jetën”, deklaronte më tej ai.
Humbja e tij ka prekur gjithë Italinë. Me Viallin largohet një nga futbollistët ikonë dhe më të suksesshëm të skenës italiane.