Një tjetër shumë e konsiderueshme parash janë sekuestruar sot në banesën e Rozeta dhe Havier Dobit, nënë e bir të cilët u arrestuan një ditë më parë pasi kishin grabitur 130 mijë Euro në një shtëpi.
Policia e Tiranës njoftoi këtë të dielë se uniformat blu bënë edhe një tjetër kontroll në banesën e tyre dhe zbuluan 404,800 Euro, 8500 Dollarë dhe aksesorë floriri, të gjitha të fshehura në tubin e aspirimit.
Banesa e grabitur nga nënë e bir i përket Alda Klosi, të cilës i janë marrë miliona lekë dhe sende me vlerë. Banesa të cilën Klosi e kishte marrë me qira, është grabitur në muajin dhjetor, kur kjo e fundit ndodhej në Amerikë.
