Rikthehet moti i keq. Reshjet e shiut kanë përfshirë vendin mbrëmjen e djeshme duke shaktuar probleme në disa akse të vendit në veri. Në Theth nisi dëbora.
Në qarkun e Shkodrës gjatë reshjeve deri në mëngjesin e sotëm ka patur rrëshqitje të dherave dhe gurëve në Postribë, rrugë që lidh Shkodrën me Dukagjinin.
Dëmtime po në këtë zonë ka patur edhe në kanalin vaditës. Ndërkohë në zonat malore si Theth dhe Vermosh ka patur reshje dëbore por nuk raportohen probleme në qarkullim.
