Nesër në orën 20:00 do të luhet El Clasico për trofeun e Supërkupës së Spanjës. Trajneri i Realit të Madridit, Carlo Ancelotti përpara sfidës në media foli për gjithçka.
“Të gjithë titujt janë të rëndësishëm për këtë klub. Ndeshja e nesërme është shumë e rëndësishme për ne. Barcelona dëshiron trofeun më shumë se ne?
Jo. Ne duam të gjithë titujt. Si gjithmonë. Jemi shumë të motivuar. Xavi tha se fusha nuk ishte e mirë? Nuk jam dakord. Fusha ishte e mirë” tha ai.
Besimin te sulmuesi francez e ka maksimal. “Benzema është kthyer në nivelin e tij. Ai është shumë i motivuar. Ai do të na ndihmojë në këtë pjesë të sezonit”.
“Dëmtime? Lucas Vazquez nuk do të luajë nesër. Militao do të stërvitet sot pa probleme dhe Modrić dhe Kroos janë rikuperuar mirë pas ndeshjes” tha më tej ai.
“Mbrojtja? Është problemi ynë më i madh. Ne kemi folur për këtë. E pranuam atë gol kundër Valencias për shkak të një gabimi të dy qendërmbrojtësve dhe kjo nuk mund të ndodhë”.
Në fund një koment për Ronaldon. “Pashë Cristiano Ronaldon dje, ai ishte shumë i lumtur dhe i motivuar. Ai ka bërë zgjedhjen e duhur për t’u bashkuar me Al Nassr” tha ai.
