Një 32-vjeçar i cili ishte deklaruar i humbur nga familja e tij është gjetur në ujërat e lumit Osum në Berat. Trupi i Jurgen Merkajt 32 vjeç u gjet në fshatin Orizaj.
Trupi i pajetë i 32-vjeçarit është nxjerrë nga uji dhe do të dërgohet pranë morgut të spitalit Berat për ekzaminime të mëtejshme.
Nga këqyrja paraprake e trupit të viktimës, nuk janë konstatuar shenja dhune. Grupi hetimor po punon për sqarimin e plotë të rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme.
