Prokuroria e Posaçme i kërkon policisë së shtetit që të shpallë në kërkim ndërkombëtar Mirel Mërtirin. Pak javë më parë SPAK mbylli hetimet duke çuar në gjyq dosjen për inceneratorin e Elbasanit. Në këtë dosje SPAK ka vendosur në shënjestër edhe biznesmenin Mirel Mërtiri.
Prokuroria e Posaçme ka kërkuar në gjykatë masë sigurie “arrest me burg” për biznesmenin, i cili është bashkëjetues i Stela Gugallias, e cila u gjet në Austri. Ai konsiderohet njeriu “hije” i gjithë skemës së inceneratorëve. Mërtiri i cili është shpallur në kërkim sipas prokurorisë ka rezultuar se është përfitues direkt në incineratorin e Elbasanit.
Por kush është Mirel Mërtiri?
Në nëntor të vitit 2020 emri i tij doli për herë të parë në disa media vendase, ku u publikuan materiale, të cilat vinin nga raportimet e mediave në Zimbabve, për një skandal në këtë vend, i lidhur me një tender 60 milionë dollarë.
Personi i akuzuar ishte Mirel Mërtiri, apo Klodian Mërtiri, por ky i fundit bëri një deklaratë duke thënë se publikimet në Shqipëri janë bërë me qëllim për t’i prishur atij reputacionin dhe imazhin. Shumë akuza janë ngritur ndaj Mirelit, në lidhje me inceneratorët që fillon me Elbasanin, ku bashkëshortja e Mirel Mërtirit ka qenë aksionere.
Inceneratori në fjalë u mor me një kontratë 22 milionë euro nga qeveria shqiptare, kjo kontratë çohet në bankë, dhe më pas me lekët e shtetit ndërtohet inceneratori, duke e çuar direkt kontratën më pas edhe tek shtetasi italian Ernesto Granelli.
E njëjta skemë përdoret më pas në Fier, dhe e njëjta skemë po përdoret edhe në Tiranë. Më herët në lidhje me këtë aferë, u arrestua ish-ministri i Mbrojtjes, Lefter Koka dhe Alqi Bllako për akuzat shpërdorim detyre, pastrim parash dhe korrupsion.
Kush është Mirel Mërtiri, bosi në “hije” i inceneratorëve që SPAK e do në burg
