Ditën e sotme në Tuz të Malit të Zi janë mbajtur zgjedhjet, ndërsa procesi i votimit u mbyll në orën 20:00. Qytetarët votuan mes katër koalicioneve dhe tre listave të pavarura.
Nik Gjeloshaj dhe koalicioni “Forumi Shqiptar” mori 18 mandate dhe zyrtarisht fiton të drejtën edhe për kryetarin e komunës së Tuzit.
Gjeloshaj është shprehur se fakti që kanë marrë 18 mandate, tregon se ka siguruar një fitore absolute. Shqiptarë kanë nisur festën nën ngjyrat “kuqezi”.
Në zgjedhjet e fundit lokale, Forumi Shqiptar, i përbërë nga Alternativa Shqiptare (AA), Aleanca Demokratike e Shqiptarëve (DS) dhe Bashkimi Demokratik i Shqiptarëve (DUA), kishte 16 mandate, Partia Demokratike e Socialistëve – 10, Partia Boshnjake – katër, dhe Social Demokratët dhe Mali i Zi Demokratik nga një.
