Eriselda Abedini dhe Sikela Perroj janë të rejat që nuk u mbijetuan dot plagëve të rënda që morën më aksidentin fatal që ndodhi mbrëmjen e djeshme afër TEG-ut.
Të rejat po udhëtonin në automjetin tip ‘Audi’ nën drejtimin e 20-vjeçarit, Klevis Ruçaj, i cili po ashtu ka humbur jetën.
Ngjarja e rëndë u shënua pasditen e së enjtes ku automjeti tip ‘Audi’ si pasojë e shpejtësisë mbi normat e lejuara mori përpara barrierën dhe ra nga mbikalimi i Saukut.
Drejtuesi i automjetit vetëm 20-vjeç ishte pajisur me patentë para më pak se një viti dhe ishte gjobitur 5 herë për tejkalim shpejtësie, përdorim celulari dhe moszbatim të sinjalistikës. Por si i shpëtoi policisë pa iu hequr patenta me gjithë këto shkelje?
