Drejtori i Policisë së Shtetit, Muhamet Rrumbullaku ka pezulluar nga detyra të gjithë shefat e sektorit të krimit ekonomik në të gjitha komisariatet vendore.
Argumenti i Rrumbullakut është se shefat nuk kanë përmbushur pritshmëritë për luftën kundër evazionit fiskal.
Rrufe në qiell të hapur! Pse i shkriu Rrumbullaku shefat e krimit?
Lëvizja vjen vetëm dy muaj përpara zgjedhjeve vendore të 14 Majit. Pezullimi do të jetë në fuqi deri në futjen në fuqi të strukturës së re të policisë.
Njoftimin e bëri vetë drejtori i policisë në prani të ministrit të Brendshëm Bledi Çuçi në një takim me drejtuesit e policisë në qarqe ku kërkoi angazhim në luftën kundër drogës, por edhe mbarëvajtjen e procesit zgjedhor të 14 Majit.
