Një tjetër arsye e rëndësishme për të dashur akoma më shumë Lady Gagan.
Ndërsa po ecte të dielën në tapetin e kuq në “Oscars 2023”, këngëtarja e “Poker Face” nxitoi për të ndihmuar një fotograf i cili u rrëzua shumë pranë saj.
Fotografi në fjalë po përpiqej t’ia bënte disa foto Gagas para se të humbiste ekuilibrin dhe të rrëzohej në tapetin ngjyrë shampanjë.
Gaga, 36-vjeçe, vrapoi drejt fotografit për ta ndihmuar, gjersa u ngrit shpejt në këmbë.
Pasi e kuptoi se ishte mirë, këngëtarja fituese e “Oscar”-it u kthye në ngjarjen kryesore, ndërsa të pranishmit vlerësuan gjestin e saj të këndshëm.
Akti i mirësisë mund të shërbejë si një karmë e mirë për Gagën, tema e së cilës “Top Gun: Maverick”, “Hold My Hand”, është nominuar për ‘këngën më të mirë origjinale’.
