Grupimi i Sali Berishës ka reaguar duke dënuar atë që e cilëson skandal në Has, ku sipas Akil Krajës, djemtë e kandidatit të Partisë Socialiste për bashkinë Has janë kapur duke shpërndarë pako nga rezervat e shtetit me qëllime elektorale.
“Punonjës policie tentojnë të ndalojnë filmimin nga jashtë xhamave të automjetit të pakove me logo zyrtare të Rezervave të Shtetit. Lind pyetja:
Cfarë kërkojnë pakot me stemë të “Republikës së Shqipërisë, Rezervat Materiale të Shtetit” në makinën e djemve të kandidatit të Partisë Socialiste, Has? Ku u morën këto pako dhe çfarë përmbajnë?
Përgjigjen mund ta jepnin Policia dhe Prokuroria sikur të mundësohej verifikimi i automjetit. Jo vetëm që automjeti nuk u hap, por u tentua pamundësimi i mediave të filmonin nga jashtë pakot shtetërore në këtë automjet.
Hasjanëve u bëjme thirrje: këta që i trembin sot me fatura dhe i ndjekin me thasë në shpinë për tu tjetërsuar votën, tua tregojnë vendin më 14 maj. Ndryshimi në duart tuaja” tha ai.
Denoncimi, provat dhe skandali! A po blihen votat me pako nga socialisti në Has?