Deputeti i Partisë Demokratike Gazment Bardhi e ka konsideruar tentativë kamikaze vendimin e kryekomisionerit Ilirjan Celibashi për të mos vendosur një emër në fletën e votimit, krah emrit të koalicionit ‘Bashkë Fitojmë’.
Në një postim në rrjetet sociale, Bardhi shkruan se KAS e rrëzoi këtë vendim dhe kërkoi që të vendoset emri i kryetarit të Partisë së Liirsaë, Ilir Meta.
Sipas deputetit demokrat, me votat e demokratëve, po synohet fuqizimi i Ilir Metës dhe se kjo po tentohet të mbahet e fshehtë nga KQZ-ja përmes vendimeve të marra. Ai nënkupton dhe se Celibashi është peng i Berishës.
Postimi i Bardhit:
Tentativa e Ilirjan Celibashit për të fshehur në fletën e votimit faktin se me votat e demokratëve po synohet të fuqizohet Ilir Metaj u rrëzua si antiligjore nga KAS. Kjo është një tjëtër shkelje nga Kreu i KQZ, ku u faktua se një njëri i shantazhueshëm është gati të bëjë akte prej kamikazi vetëm që ti nënshtrohet pengmarrësit të tij. Keqardhje sesi hallet i shndërrojnë profesionistët në kamikazë të së keqes!
