Lëshonte dëftesa false, kundrejt shumës 3200 euro duke përdorur vulën e falsifikuar të një shkolle të mesme, arrestohet në flagrancë 54-vjeçari, Gjovalin Kodra 54 vjeç aktualisht drejtor i shkollës 9-vjeçare në fshatin Hot i Ri.
Në pranga ra edhe një tjetër, Gjin Fishta 66 vjeç bashkëpunëtor i 54-vjeçarit, pasi u kap në tentativë për të shitur dëftesën false.
Në cilësinë e provës materiale, u sekuestruan 26 dokumente shkollore të paplotësuara, por të pajisura me vulën e shkollës së mesme, vula e shkollës 9-vjeçare, 5 USB, 1 celular, si dhe shumat e parave 640 euro dhe 16 000 lekë, të dyshuara të përfituara nga kjo veprimtari kriminale.
