Pas më shumë se dy javësh nga denoncimi për zhdukjen, policia e ndihmuar edhe nga FNSH ka dalë në terren për të kërkuar për zhdukjen e dy personazheve të njohur në Sarandë, Leonard Thodhori i njohur si “Koçole” dhe Fatmir Sulovari (Krasniqi).
Vrinë, Shëndelli, Mursi dhe Xarrë, këta janë fshatrat ku po kërkohet. Ndërkohë që familjarët e dy personave të zhdukur vijojnë kërkimet private prej disa ditësh, përpara policisë. Fakti që po kërkon në terren policia dyshon se të dy mund të jenë ekzekutuar dhe groposur.
Ata rezultojnë të zhdukur që prej gati 19 ditësh dhe ende nuk ka asnjë gjurmë prej tyre. Përpos të shkuarës problematike një pistë e re ka dalë së fundmi që lidhet me pronësinë e një tokë që ishte shitur.
