Bordi i qeverisë ka ndryshuar sërish çmimet e karburanteve. Nga pasditja e sotme në orën 18:00 nafta do të shitet me 172 Lekë/ litri duke pësuar një ulje tjetër me 2 Lekë. Benzina do të shitet me 175 Lekë, gazi me 66 Lekë dhe gazoili për peshkim 78 lekë/litër.
ÇMIMET E KARBURANTEVE
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 172 lekë/litri, ndërsa i shitjes me shumicë jo më shumë se 162 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 175 lekë/litri, ndërsa i shitjes me shumicë jo më shumë se 163 lekë/litër.
Çmimi i shitjes me pakicë i nënproduktit gaz, të jetë 66 lekë/litri me pakicë dhe i shitjes me shumicë 54 lekë/litër për automjetet.
Çmimet e caktuara nga Bordi do të hynë në fuqi në datë 3 Maj ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
