Deputeti i PD-së, Ferdinand Xhaferraj ishte i ashpër pas humbjes së thellë. Ai kërkoi edhe njëherë largimin e Sali Berishës. Zgjidhja sipas tij është një lidership i ri, ku Berisha të jetë vagon dhe jo lokomotivë.
“Zoti Berisha me të shkuarën e tij nuk përbën perspektivë për të ardhmen. Mesazhi është i qartë, duhet të ndryshojë lokomotiva e trenit opozitar.
Unë e kam thënë, me Berishën në krye, kjo punë nuk bëhet, por edhe pa Berishën nuk bëhet. Berisha mund të jetë vagon. Ne na duhet lidership që të projektojë një marrëdhënie tjetër me ndërkombëtar. Duhet lidership i ri” tha ai.
A ka vend për rikthimin e Bashës? “Në mënyrë të padiskutueshme Basha ka vendin e tij për të luajtur. Edhe grupimi jonë ka marrë ato rezultate, ne mund të jemi pjesë e një zgjidhje përtej nesh. Na duhet lidership i ri për më shumë se 500 mijë shqiptarë” tha ai.
