Tefta Malaj ka lënë spitalin dhe mes përpjekjeve për t’u ringritur edhe njëherë në jetë, duhet që të mbrojë veten nga ata që e urrejnë në rrjetet sociale. Media italiane “Today” shkruan se ka nga ata që e ofendojnë dhe e akuzojnë për vdekjen e vajzës së saj.
Avokati i saj do t’i drejtohet Presidentit të Italisë, Sergio Mattarella për të ndërhyrë në kërkesën për nënshtetësi italiane që Tefta bëri disa muaj më parë.
“Ajo ka jetuar në Itali për 18 vjet, dy fëmijët e saj lindën këtu dhe janë italianë me gjithë respektin. Ajo është e integruar në shoqëri dhe ndihet italiane thellë në shpirt”, tha avokati.
Natën mes 6 dhe 7 Majit në Torremaggiore të Foggia-s, 45-vjeçari Taulant Malaj, një bukëpjekës shqiptar goditi për vdekje vajzën e tij Xhesika dhe 51-vjeçarin italian Massimo De Santis, një pronar i një lokali të njohur në zonë dhe fqinj i tyre, pasi dyshonte se kishte lidhje intime me gruan e tij.
