Ministri i Drejtësisë, Ulsi Manja njoftoi sot dy vendimet që ka marrë qeveria për ish-pronarët. Ai tha se me vendimin e sotëm, pronat që janë të lira do u kthehen ish-pronarëve, ndërsa për ata që janë zënë do të ketë shpërblim financiar.
“Prona e lirë e ish-pronarëve kthehet pa kufizim. Për ata që është zënë apo që do të përdoren për interes publik do të ketë një masë të shpërblim financiar.
Kur erdhëm gjetëm mbi 26 mijë vendime, sot për 20 mijë vendime kemi bërë vlerësimin, prej 101 miliardë lekë dhe 974 vendime janë likuiduar.
Pjesa tjetër për të cilat ka një faturë financiare, do të fillojmë me kompensimin. Për 7 mijë dosjet e ish-pronarëve që nuk janë trajtuar, i ftoj ish-pronarët të dorëzojnë dosjet” tha ai.
