Data e zgjedhjeve parlamentare në Holandë është caktuar për datën 22 nëntor të këtij viti.
Lajmin e ka bërë të ditur sot televizioni publik holandez NOS duke cituar burime qeveritare.
Koalicioni qeverisës i Holandës u prish javën e kaluar pasi nuk arriti një marrëveshje për kufizimet e imigracionit.
Kryeministri më jetëgjatë i vendit, Mark Rutte pas 13 vitesh në detyrë, njoftoi të hënën se do të tërhiqej nga politika.
Ministrja e Financave, Sigrid Kaag dhe ministri i Jashtëm, Wopke Hoekstra kanë thënë gjithashtu se nuk do të kandidojnë në zgjedhjet e ardhshme.
