Priten arrestime. Dosja që është kthyer në kryefjalë në javën e fundit ka qenë e ish-zv/kryeministrit Arben Ahmetaj.
Deputeti socialist vetë u arratis, por dosja brenda dyshohet se ka fletë-arreste edhe për zyrtarë dhe ish-zyrtarë e biznesmenë. Duket se edhe policia e burgjeve po përgatitet.
Gazetarja e kronikës, Anila Hoxha ka bërë një paralajmërim duke shkruar se Drejtoria e Burgjeve po liron hapësirat në qelitë e paraburgimit të “313” në Tiranë.
Sipas saj, autoritetet kanë transferuar mbi 30 të ndaluar në Fier dhe në Shkodër, për të liruar vendin në Tiranë.
“Cfarë pritet të ndodhë? Burgjet sapo boshatisën 30 vende ne qeli pranë paraburgimit 313. Te paraburgosurit jane shpërndarë në Fier dhe Shkodër…”shkruan gazetarja.
Nuk dihet nëse kemi të bëjmë me dosjen e inceneratorëve apo ndonjë tjetër.
