Biznesmeni Ilir Rrapaj që fitoi koncesionin për sterilizimin e seteve kirurgjikale kërkon lirinë në Gjykatën e Posaçme të Apelit.
Ai dorëzuar ankim kundër vendimit të shkallës së parë që i caktoi masën e sigurisë “arrest në burg”. E njëjta masë është caktuar edhe për ish-zv/ ministrin e Shëndetësisë, Klodian Rjepaj.
Biznesmeni akuzohet për veprën penale të mashtrimit me pasoja të rënda nga SPAK.
Prokuroria ka dyshime se Ilir Rrapaj e fitoi koncesionin me vlerë 100 milion dollarë me afat 10-vjeçarë për shkak të njohjeve që kishte me drejtuesit e ministrisë së Shëndetësisë.
Rrapaj ka mbaruar shkollën me Klodian Rjepaj dhe ka udhëtuar disa herë jashtë vendit edhe me ish-ministrin Ilir Beqaj.
