Nesër do të përcillet në banesën e fundit 17-vjeçari Antonio Delilaj nga Saranda që vdiq duke punuar në “Orange club”. Të trishtur shokët e shkollës dhe mësuesit në Qafë Gjashtë kanë shkruar një mesazh prekës.
“Mengjesi me i trishte qe kemi perjetuar ka qene ky i sotmi. Vdekja ne menyre tragjike e nxenesit tone Antonio Delilaj na ka tronditur te gjitheve , nuk gjejme fjale per ta pershkruar dhimbjen qe na ka kapluar shpirtin.
9 vite ne shkollen tone , ti u rrite mes nesh dhe ishe ai djali ku me qetesine , buzeqeshjen kishe fituar respektin e shokeve te tu dhe mesuesve , ishe femija qe dinte te falte vetem dashuri e mirekuptim.
Nise heret te punoje dhe me krenari e tregoje qe tashme ti ishe nje i rritur i pergjegjshem ku mund te ndihmoje me ne fund sado pak familjen tende .
Por fati ishte percaktuar per ty dhe fatkeqesisht endrrat e tua do te priteshin ne mes.
Do na mungosh te gjitheve , familjes , te afermve ,shokeve . Qofsh i parajses i miri Antonio !
Ngushellime familjes nga stafi pedagogjik i shkolles “Shefqet Sulejmani “Gjashte” mbyllet postimi.
Inspektorati Shtetëror i Mbikëqyrjes së Tregut ka reaguar në lidhje me vdekjen e kamarierit 17-vjeçar Antonio Delilaj, në një diskotekë të njohur në qytetin e Sarandës.
ISHMT shkruan se pajisja e përshtatur nga lokali për transportin e mallrave në magazinë nuk është ashensor.
