Këngëtarja Rita Ora është në qendër të komenteve pasi mbajti flamurin serb në një koncert në Hungari ku sulmet ndaj saj nuk kanë munguar.
Por, ish-kapiteni i kombëtares shqiptare, Lorik Cana i ka dalë në mbrojtje. Ai ka postuar një foto ku shfaqet Rita e vogël me veshje tradicionale shqiptare, si për të treguar se ajo e do atdheun e saj.
Kujtojmë se Rita në një deklaratë për mediat në Kosovë ka thënë se flamuri i ishte dhënë nga një fans dhe nuk e ka dikur se cilit shtet i përket.
“Mbrëmë gjatë performancës në Festival SZIN në Hungari, mu dha një flamur nga një fans i ri. Prej ndriçimit direkt në sy e në skenë, nuk pashë qartë se cilin shtet përfaqësonte flamuri. Sapo dola nga skena, kuptova se ishte një flamur serb e jo hungarez.
Përderisa i mbështes të gjithë fansat e mi, nga të gjitha vendet dhe kulturat, dua të bëjë shumë të qartë se jam një shqiptare krenare e Kosovës, dhe nuk ishte qëllimi im të mos respektoja trashëgimin time, ose të mërzisja popullin tim ose familjen time,” është shprehur Rita Ora.
