Faqja “Studentët denoncojnë” në rrjetet sociale ka publikuar pamjet e njërës prej godinave që kanë vetëm pak kohë që janë rikonstruktuar në Qytet Studenti. Muret janë rrjepur dhe suvaja ka filluar që të bjerë.
“Ndërkohë muret e godinës 9-10 që janë “Rikonstruktuar “kanë filluar të bien! Ky rikonstruksion shihet që është vjedhje e rradhës, ku përgjegjëse është drejtoresha e Rezidencës Studentore nr: 1” mbyllet postimi.
Nga 4 Shtatori nisin regjistrimet për akomodimin e studentëve për vitin e ri akademik 2023-2024, pranë Rezidencës Studentore Universitare Nr.1 dhe Rezidencat e Universitetit Bujqësor.
Në 22 godinat e Rezidencën Studentore Universitare nr.1 përfshirë edhe 7 Rezidencat e Universitetit Bujqësor mund të akomodohen në total 6506 studentë.
Rezervimet për akomodim, mund të bëhen në platformën online, “Rezidenca Studentore Universitare Nr.1, Tiranë”.
