Paraditen e sotme me foton e djalit dhe lule në duar familja e adoleshentit, Klei Xhaja 16-vjeç që vdiq disa javë më parë nga aksidenti me Jet-Ski në plazhin e Llamanit në Himarë kërkuan drejtësi.
“Duam drejtësi deri në pikën e fundit. I jepet motori fëmijëve 16 vjeç dhe bëhet ajo që u bë. Këtu nuk ka as kontroll asgjë Në qoftë se nuk marrim drejtësi do bëjmë vetëgjyqësi”, tha babai i 16-vjeçarit Artur xhaja.
Minoreni u përplas me Jet-Ski në plazhin e Llamanit në Himarë më 15 gusht dhe ndërroi jetë në Spitalin e Traumës pak ditë më vonë, teksa familjarët kërkuan zbardhjen e plotë të ngjarjes.
Njëri nga adoleshentët që ishin në Jet Ski dhe u përfshi në aksident në bregdetin e Himarës tha se ishte kërcënuar nga pronari i mjeteve ujore dhe për këtë arsye dha dëshmi të rreme në fillim kur sapo kishte ndodhur ngjarja.
