Njollat e gjakut dhe shenjat e plumbave janë ende të dukshme në vendin e ngjarjes ku u ekzekutua mbrëmjen e djeshme në Vlorë, Laert Keka.
I njohur edhe si “Kapiteni” nga rrethi i ngushtë, 41-vjeçari ishte në ndjekje për lëvizjet që bënte. Por nuk ruhej që pas daljes nga burgu. Filloi një jetë të re pas dënimit. U martua.
Por e kaluara s’u harrua. Mbrëmjen e djeshme orët e kanë ndjekur me një “Audi” me targa italiane. Pranë Kishës Ortodokse e qëlluan. Fillimisht me breshëri nga dritarja e makinës.
Keka u rrëzua nga motori dhe zvarrë eci për disa metra në tentativë për t’u futur mes pallateve. Por njëri nga killerat zbriti nga “Audi” e ndoqi dhe e qëlloi nga afër për t’u siguruar se e vrau.
41-vjeçari e dha frymën e fundit në rrugë. 28 gëzhoja u gjetën në vendin e ngjarjes. 6 prekën trupin e shënjestrës duke i marrë jetën.
Dinamika/ Si hynë, zbrazën kallashin dhe u arratisën vrasësit në Vlorë?
