Në “The Voice Australia” bëri shumë bujë konkurrentja shqiptare. Trajnerja Rita Ora dhe konkurrentja Sihana Haxhnikaj nuk hezituan të shprehnin simpatinë e tyre për njëra-tjetrën në audicionet e fshehura.
Ishte insistimi i Ritës që Sihana të tregonte origjinën shqiptare nga Kosova. Me të dëgjuara se është nga Kosova, Rita u entuziazmua shumë kur e pa Sihanën në skenë e aq më tepër që ajo e ktheu karrigen për të.
Por megjithëse u pëlqye shumë nga publiku australian, Sihana nuk e ka vazhduar rrugëtimin e saj në raundin tjetër pasues.
Ajo është eliminuar pasi nuk është votuar mjaftueshëm nga publiku në garën me konkurrentet Gezel Bardossi dhe Elsa Marilyn, të cilat u votuan mjaftueshëm për të shkuar në beteja, por në fund Rita zgjodhi të vazhdonte me Elsan.
