Policia e Shkodrës ka arrestuar Gegë Tefajn 53-vjeç. Ai ishte shpallur në kërkim nga policia pasi kishte dhënë dëshmi të rreme për vrasjen e 47-vjeçrit Prek Tonaj. Ngjarja e rëndë ndodhi më 13 Shkurt të vitit të kaluar në lokalin e 53-vjeçarit.
47-vjeçari Tonaj u vra teksa ishte ulur në një lokal në fshatin Grudë e Re. Policia tha se pas ngjarjes fshihet një histori e vjetër hakmarrjeje mes familjes Tonaj dhe Kësolla në Shkodër.
Për këtë arsye si autor i ngjarjes u arrestua Eduart Kësolla. Ai është djali i Pal Kësollës, i vrarë nga fisi Tonaj në vitin 1996. Vetë Pal Kësolla ishte personi i cili vrau vëllain e Prekë Tonajt, Nikollë Tonaj. Ngjarja në fjalë ndodhi në burg, në kohën e komunizmit.
