Nga selia blu, Genta Vangjeli denoncoi administratorin e Qendrës Sportive Tiranë sh.a. Fation Dhuli për tendera korruptivë dhe i kërkoi SPAK-ut që të hetojë. Në këtë denoncim zyrtarja e grupit të Sali Berishës përfshiu edhe deputeten socialiste Gerta Duraku. Dhuli, tha më tej ajo, është personi që strehoi zgjedhësit fiktivë të Erion Veliajt në 14 Maj.
“Fatjon Dhuli titullari i Qendrës Sportive Tiranë i cili për gjithsej 3 procedura prokurimi të shpallura gjatë 2023, nënshkroi shpalljen e të njëjtit fitues për këto 3 procedura të ndryshme prokurimi , me ofertat më të larta, duke shpenzuar 154 milion lekë më tepër se ofertat me çmimin më të ulët, dhe duke s’kualifikuar deri 12 operatorë të tjerë pjesëmarrës , me qëllim për të realizuar lidhjet e kontratave me klientelistë apo familjarë të personave me status Deputet apo ish deputet i PS në Kuvendin e RSH, nuk është emër i panjohur …” denoncoi ajo (lexo ketu denoncimin e plote).
