Tottenham pësoi disfatën e parë të këtij sezoni, 1-4 në shtëpi përball rivalëve të Chelsea.Një nga ndeshjet më emocionuese por dhe më të diskutueshme të këtij sezoni deri më tani.
Vendasit gjetën avantazhin me anë të Kulusevski-t në minutën e 6-të të sfidës, me blutë që panë sistemin VAR ti anulonte 2 gola brenda pak minutash.
Sfida mori një rrjedh tjetër pas ndëshkimit me karton të kuq të mbrojtësit Romero dhe me Cole Palmer i cili nuk gaboj nga pika e bardhë e penalltisë në minutën e 35 të sfidës.
Fillimi i pjesës së dytë pa Tottenham të ngelej me 9 lojtarë në fushën e lojës. Udogie bëri një ndërhyrje të rrezikshme ndaj Sterling dhe arbitri nuk nguroj ti tregonte kartonin e dytë të verdhë.
Në avantazh numerik sfida u bë më e thjeshtë për Pochettinon dhe skuadrën e tij me Nicolas Jackson i cili tundi 3 herë rrjetën duke vulosur sfidën në shifrat 1-4.
Me humbjen e parë sezonale Tottenham bie në vendin e dytë në renditjen e Premier Ligë, me 26 pik.
Chelsea nga ana tjetër arrin në kuotën e 15 pikëve dhe mban vendin e 10-të në kampionat.